Fil-Parlament Ewropew Alfred Sant qal li investimenti pubbliċi fl-istati membri tal-UE jistimulaw l-investimenti privati nazzjonali u anke dawk fl-Ewropa kollha. Dr Sant qal li l-investiment pubbliku huwa aktar effettiv meta jsir fuq livell nazzjonali u meta ma jiddependix minn dewmien burokratiku. “Jekk insibu metodi li jqanqlu investimenti pubbliċi nazzjonali, li mbagħad jistimulaw l-investiment privat nazzjonali u anke fl-Ewropa, inkunu qed niksru r-regoli attwali tal-Patt ta’ Stabilita` u Tkabbir? X’aktarx li iva. Għandna nħabblu rasna dwar dan? Fil-fehma tiegħi le….dejjem jekk niżguraw ruħna li ż-żjieda fin-nefqa pubblika fuq livell nazzjonali qed tkun verament iddedikata għall-investiment, mhux għal nefqa rikorrenti.”
L-Ewroparlamentari Malti qal li l-akbar problema fl-andament tal-ekonomija Ewropea huwa l-investiment. M’hemmx biżżejjed investimenti u allura t-tkabbir huwa limitat. It-titjieb jew aħjar iż-żamma tal-kundizzjonijiet soċjali tal-ħaddiema li qegħdin f’impjieg, taż-żgħażagħ li qed ifittxu xogħol, tal-familji tal-ħaddiema u tal-pensjonanti, mhix qed tidher. Dawn in-nies jisħqu li l-Ewropa qed tonqos fil-konfront tagħhom. Ir-ruħ soċjali li fuqha stabiliet ruħha l-Unjoni, ma għadhiex hemmhekk. Ma nkunux populisti jekk naqblu ma’ dawk li jagħmlu dawn l-istqarrijiet, għax filfatt għandhom raġun.
“Naqblu jew ma naqblux ma’ dawk imsejħa populisti mhux importanti. Kif se noħolqu t-tkabbir ekonomiku huwa importanti, biex b’hekk jinħolqu impjiegi sodi u fulltime għaż-żgħażagħ…..u l-anzjani jserrħu rashom mill-pensjoni tagħhom.
Ma għandniex bżonn formuli teknokratiċi u diffiċli biex insolvu din il-problema. Għandna bżonn rieda politika biex naħsbu fil-bogħod u mhux biss biex nissodisfaw ir-regoli ta’ Stabilita` u Tkabbir. Għandna bżonn azzjoni sempliċi u deċiżiva li timmira eżatt lejn il-kawża tal-problema: l-investiment. L-investiment pubbliku u privat. L-esperjenza turina li l-investiment privat jimxi wara dak pubbliku. Mhux bil-kontra. L-investiment pubbliku waqa’ lura ħafna. Il-Fond ta’ Juncker, effettiv kemm hu effettiv, ma jistax jagħmel tajjeb għal din il-problema.” qal Dr. Sant.
Segwi d-diskors ta’ Dr. Sant fuq din il-link:
https://www.youtube.com/watch?v=HjiA2PCIbqk
PROĊEDURI KONTRA MIN JIKSER IR-REGOLI EKONOMIĊI
Read More
L-ISTATI MEMBRI TAL-MEDITERRAN DWAR IL-KRIŻIJIET TAL-UE
Read More
L-EWROPA MA TISTAX TFARFAR IL-PROBLEMA TAL-IMMIGRAZZJONI FUQ L-ISTATI Ż-ŻGĦAR TAS-SUD
Read More
IŻ-ŻEJT TAŻ-ŻEBBUĠA TUNEŻIN FL-EWROPA
Read More
L-AJRUPORTI FAVUR IX-XENGEN
Read More
FTEHIM MAL-AWSTRALJA U NEW ZEALAND
Read More
M’HEMMX FLUS BIEX IŻARMAW L-IMPJANTI NUKLEARI
Read More
MIŻURI MONETARJI ĠODDA
Read More
L-EWROPA TEĦTIEĠ INVESTIMENT PUBBLIKU ĠDID
Read More
IL-KLASSI TAN-NOFS ISSIBHA AKTAR DIFFIĊLI
Read More
L-S&D SE TINDIRIZZA T-TĦASSIB TAS-SAJJIEDA MALTIN
Read More
IL-MED GROUP
Read More
ĦAMES PAJJIŻI EWROPEJ FAVORITI MAL-AMERIKANI
Read More
BLA PJAN DWAR L-IMMIGRAZZJONI
Read More
Post a comment