IL-LUSSEMBURGU TIKKONSIDRA APPELL KONTRA L-KUMMISSJONI EWROPEA

Il-Lussemburgu qed jikkonsidra għandux jappella kontra d-deċiżjoni tal-Kummissjoni Ewropea li ordnatlu jiġbor bejn €20 miljun u €30 miljun mill-kumpanija Fiat Finance and Trade. Skont il-Kummissjoni, il-kumpanija msemmija ffrankat dawn il-miljuni permezz ta’ ‘tax ruling’ jiġifieri ftehim li permezz tiegħu l-kumpanija evitat milli tħallas taxxa kemm dovut. Għal Unjoni Ewropea dan huwa għajnuna tal-istat u huwa illegali. L-Olanda wkoll ħabbret li kienet se tappella kontra deċiżjoni simili li l-Kummissjoni ħadet fil-konfront tal-kumpanija Starbucks.

Il-Lussemburgu qed jgħid li jixtieq jibqa’ jattira l-intrapriżi billi jibqa’ jikkompeti bit-taxxi. Il-Lussemburgu qal li l-Kummissjoni għandha dritt tagħti l-interpretazzjoni tagħha dwar il-liġijiet tat-taxxa, ħaddieħor għandu dritt jagħmel l-istess.