Alfred Sant, Kap tad-delegazzjoni Laburista fil-Parlament Ewropew insista li Malta għandha bżonn l-aqwa soluzzjonijiet li jaqblu għaċ-ċirkostanzi partikolari tagħħa u mhux deċiżjonijiet ta’ one-size-fits-all. Dr. Sant, li kien qed jindirizza sala mimlija nies waqt seminar ‘X’qed jistennew il-Maltin mill-Unjoni Ewropea’ fin-Naxxar, qal li l-akbar sfida li għandna quddiemna hija li nifhmu r-realtajiet u naħdmu favur l-aħjar soluzzjonijiet għall-Ewropa u anki għal Malta. Mill-perspettiva Maltija, l-aħjar soluzzjonijiet għandhom jinkludu qabel kollox politika ekonomika fiż-żona ewro li tħalli biżżejjed flessibilita` lil stati membri ċkejkna biex jiġġeneraw l-investiment u l-impjiegi. Sfortunatament, it-tendenza s’issa kienet ta’ politika ‘one-size-fits all’. L-Unjoni dejjem tiċħad li twettaq politika ta’ dan it-tip; imma jekk din il-politika ma tgħaddix mill-bieb, dejjem narawha dieħla mqar mit-tieqa. Politika ‘one-size-fits all’ tidher fl-applikazzjoni tar-regoli tal-għajnuna tal-istat, kontrolli fil-baġits bir-regoli taż-żona ewro, l-unjoni bankarja u issa, il-ġibda lejn il-konverġenza fit-taxxi.
Dr Sant qal li matul din is-sena, l-Ewropa ffaċċat għadd ta’ kriżijiet: il-problemi mar-Russja dwar l-Ukraina; staġnar kontinwu fl-ekonomiji Ewropej; il-kriżi taż-żona ewro minħabba l-Greċja; il-mewġ ta’ immigranti li l-ewwel bdew ġejjin mill-Afrika, imbagħad bdew ġejjin mis-Sirja; it-theddida tat-terroriżmu.
Ikun fl-interess ta’ Malta li l-Unjoni Ewropea tegħleb il-problema mifruxa tal-qgħad fost iż-żgħażagħ. Jekk se tkompli tippersisti, l-effetti ta’ din il-problema nistgħu nħossuhom aħna wkoll kemm ekonomikament u kemm soċjalment.
Ikun jaqbel għal Malta jekk l-UE tadotta politika koerenti dwar l-immigrazzjoni u l-ażil. Jeħtieġ li t-toqol li dan il-bilanċ iġib miegħu, jrid ikun mqassam b’mod ġust bejn l-Istati Membri. Qabel aktar ħidma favur ‘aktar’ Ewropa, jeħtieġ li ssir analiżi ċara dwar l-istat li fih qiegħda l-Ewropa. Inkella r-riskju li fil-futur l-Unjoni tisfaxxa internament jiżdied – u dan ma jkunx fl-interess ta’ Malta. Dan it-tip ta’ assessjar ma għandux jitħalla biss f’idejn il-politiċi u l-esperti, li twieldu u għexu fi Brussell u li għandhom interess personali lejn ‘aktar’ Ewropa, emfasizza Alfred Sant.
Malta u l-Unjoni Ewropea NL29
Read More
MHUX AĊĊETTABBLI LI L-FRONTEX JIPPREVALI FUQ IL-KOMPETENZI NAZZJONALI
Read More
L-ISTATI UNITI MWERWRA MINN ‘TERRORISTI EWROPEJ’
Read More
L-AWSTRIJA TIBNI ĦAJT MAS-SLOVENJA
Read More
413,800 JITOLBU L-AŻIL FL-UE
Read More
IL-ĠERMANJA TINSISTI LI L-PAJJIŻI TAL-UE JOĦORĠU €3 BILJUN GĦAT-TURKIJA
Read More
MEPS MALTIN U ĊIPRIJOTTI F’MINORANZA KONTRA L-ARMONIZZAZZJONI TAT-TAXXI
Read More
SOLUZZJONIJIET EWROPEJ LI JAQBLU GĦAL MALTA
Read More
IĊ-ĊAQLIQ TAL-ĦADDIEMA L-AKTAR GĦADMA IEBSA GĦAR-RENJU UNIT
Read More
JEĦTIEĠ EVALWAZZJONI TAL-UNJONI EKONOMIKA U MONETARJA
Read More
IĊ-ĊAVETTA GĦAD-DĦUL TAS-SERBJA FL-UE
Read More
MALTA T-TIELET BL-AKTAR TKABBIR FIŻ-ŻONA EWRO
Read More
IL-KUMMISSJONI EWROPEA TINVESTIGA LIL McDONALD’S
Read More
IL-LUSSEMBURGU TIKKONSIDRA APPELL KONTRA L-KUMMISSJONI EWROPEA
Read More
IS-SANZJONIJIET KONTRA R-RUSSJA ESTIŻI B’SITT XHUR
Read More
X’INHUMA L-FONDI TERRITORJALI U X’INHU L-ITALJA/MALTA
Read More
CHRISTMAS MARKETS
Read More
Post a comment